Gjykata Themelore në Prishtinë e ka dënuar të premten Nedelko Spasojeviq me katër vjet e gjashtë muaj burgim për pjesëmarrje në një grup kriminal që e organizoi vrasjen e Oliver Ivanoviqit gjashtë vjet më parë.
Gjithashtu, Dragisha Markoviq u dënua me 4 vite burgim, Zharko Jovanoviq u dënuan me 4 vite burgim e 1 mijë 500 euro gjobë, Marko Roshiq 8 vite burgim dhe 10 mijë euro gjobë, ndërsa Silvana Arsoviq dhe Rade Basara u liruan nga akuzat.
Ivanoviq u vra më 16 janar të vitit 2018, para objektit të partisë së tij në Mitrovicë të Veriut.
