Rastet me zgjebe po i sheh si lehtë të kalueshme.
Kjo pasi ky qytetar ka provuar vet këtë infeksion dhe thotë që tani mjekësia ka ndryshuar.
“Krejt ne populli po na prek edhe kjo, po kjo nuk është diçka edhe aq sepse në të kalumen e kemi përjetuar të gjithë, edhe tuberkulozin, edhe zgjeben, por është shëruar e tash në kohën moderne janë mjetet më të posaçshme që dinë me luftu se ajo ngjitet shumë përcjellët me rroba me dhe është rreziku por besoj që kemi me dalë në krye”, ka deklaruar qytetari, Shaban Bicaj.
Gjatë muajit janar kanë qenë të spitalizuar 11 pacientë, ndërsa gjatë muajit shkurt 8 pacientë.
E për këtë çështje qytetarët kanë mendime të ndryshme.
“Përhapja e zhugës mundet me qenë si rezultat i luftës që po bëhet sot në Ukrainë, ajo nuk po bëhet veç për Ukrainë por çdo eksplodim, ajo shpërndahet në ajër edhe ato vijnë”, ka thënë qytetari Halil Doda.
“Kjo vjen nga pastërtia, mospastërtia, kalbësirat e ndryshme, erërat e ndryshme, e thithin organizmi edhe lëkura, edhe fillon zhuga. Dhe zgjeba nuk largohet ndryshe përveç duke u pastruar, duke mbajt higjienën sa është e mundshme se pa pastërti nuk ka shëndet”, ka thënë Isuf Musliu.
Momentalisht në Klinikën e Dermatovenerologjisë nuk është i spitalizuar asnjë pacient me zgjebe.
Në një përgjigje për televizionin, nga kjo klinikë tregojnë se si trajtohen këto raste.
“Në përgjithësi trajtimi bëhet me squfur në trajtë pomade 10-15% varësisht nga mosha ose krem Permetrin 5%, ndërsa te rastet me infeksionet dytësore, edhe me antibiotik. Është me rëndësi të theksohet se përveç të sëmurit mjekimi duhet të jetë i përnjëhershëm edhe për të gjithë anëtarët tjerë të familjes pavarësisht se a kanë shenja apo jo”, thuhet në përgjigje.
Por sipas tyre, krahasuar me janarin e vitit 2023 numri është i njëjtë, ndërsa krahasuar me muajin shkurt 2023 dallimi është për 20% më i ulët.
