Nderim Nexhipi do të jetë drejtor sportiv i skuadrës së Manisas, që bën gara në rangun e dytë të futbollit të Turqisë.
Lajmi është bërë i ditur të shtunën gjatë ditës në faqen zyrtare të klubit turk.
“Klubi jonë ka synime të mëdha. Ne do të bëjmë më të mirën për t’i arritur ato synime”, ka thënë Nexhipi pas zyrtarizimit.
Nexhipi në dy vitet e kaluara ishte drejtor sportiv i kampionit të Kosovës, Ballkanit nga Suhareka.
Me Ballkanin i fitoi dy tituj të ligës rresht, dhe ishte pjesë e skuadrës që shkroi historinë duke u bërë ekipi i parë nga Kosova që luajti në fazën grupore të Ligës së Konferencës.
Nexhipi ka pasur edhe karrierë të pasur si futbollist.
Ka qenë edhe pjesë e skuadrës së Herthas e Wolfsburgut në Bundesligën gjermane.
