Jude Bellingham është prezantuar sot si lojtar i ri i Real Madridit, pasi gjatë të mërkurës klubi mbretëror e zyrtarizoi blerjen e tij nga Borussia Dortmundi.
Real Madridi konfirmoi të mërkurën blerjen e Bellingham nga Dortmundi për një shifër për 103 milionë euro plus bonuse, me lojtarin që ka nënshkruar për gjashtë vite.
Blerja e Bellingham u bë e dyta më e shtrenjta në histori të Los Blancos, pasi vetëm blerja e Eden Hazard kishte kushtuar më shumë.
Pas zyrtarizimit, sot ka ardhur edhe prezantimi i Bellingham në ambientet e klubit, ku për lojtarin ishte zgjedhur fanella me numrin ikonik 5, të cilën në të kaluarën e kishte mbajtur legjenda, Zinedine Zidane.
Në prezantimin e tij, mesfushori anglez u pa shumë i emocionuar, por edhe i lumtur që ka realizuar ëndrrën e tij për të luajtur me fanellën e 14 herë kampionit të Evropës.
“Përshëndetje Madridistë, doja të falënderoja të gjithë ata që janë këtu në ditën më të rëndësishme të jetës sime, në ditën e parë në klubin më të madh në botë”
“Sot është dita më krenare e jetës sime, sepse jam bashkuar me klubin më të madh në botë”.
“Dua të falënderoj Juni Calafat, Jose Angel, presidentin Florentino Perez e të gjithë që më sollën këtu. Dhe falënderoj familjen time. Më në fund, Hala Madrid”.
Transferimi I 19-vjeçarit nga Birmingham City te Borussia Dortmund vendosi një tarifë rekord botëror transferimi për një 17-vjeçar kur ndodhi e më pas klubi anglez tërhoqi fanellën me nr.22 në shenjë njohjeje për të dhe për të frymëzuar të tjerët.
