17 kadetët e rinj të klasës 2030, ndër të cilët edhe një kadet nga Shqipëria iu kanë bashkuar sot Forcës së Sigurisë së Kosovës.
Në njoftimin e FSK-së bëhet e ditur se kadetët e rinj kanë nisur një kapitull të ri në rrugëtimin e tyre drejt formimit si oficerë të ardhshëm të Kosovës.
FSK-ja tutje ka thënë se ky moment shënon fillimin e një rrugëtimi të ri në Qendrën për Studime Universitare.
“Përmes betimit solemn, 17 kadetët e rinj të klasës 2030, ndër të cilët edhe një kadet nga Republika e Shqipërisë, kanë nisur një kapitull të ri në rrugëtimin e tyre drejt formimit si oficerë të ardhshëm të Republikës së Kosovës, duke shprehur përkushtimin e tyre për t’i shërbyer vendit me nder, përgjegjësi dhe profesionalizëm.Ky moment shënon fillimin e një rrugëtimi të ri në Qendrën për Studime Universitare. Nga sot, ata mbajnë me krenari titullin e kadetit dhe marrin përsipër përgjegjësitë, sfidat dhe privilegjet që vijnë me këtë titull”, thuhet në njoftim./teve1.info/
