Çdo vit, 14 Nëntori shënohet si Dita Botërore e Diabetit.
Ajo u caktua si e tillë nga Federata Ndërkombëtare e Diabetit me mbështetjen e Organizatës Botërore të Shëndetësisë (OBSH) në vitin 1991, dhe u bë një ditë zyrtare e Kombeve të Bashkuara në 2006. Ajo shënohet çdo vit më 14 nëntor, për nder të ditëlindjes së z.Frederick Banting, i cili së bashku me Charles Best zbuloi insulinën në 1922, dhe për këtë zbulim është shpërblyer me çmimin Nobel për mjekësi me 1923.
Çdo vit OBSH cakton një temë, rreth së ciles organizohet kampanja senzibilizuese. Tema e këtij viti, “Të thyejmë barrierat, të kapërcejmë boshllëqet”, mbështet angazhimin tonë për të reduktuar rrezikun e diabetit dhe për të siguruar që të gjithë njerëzit e diagnostikuar me diabet të kenë qasje në trajtim dhe kujdes të barabartë, gjithëpërfshirës, të përballueshëm dhe cilësor.
Mes viteve 2000 dhe 2019, pati një rritje prej 3% në normat e vdekshmërisë të standardizuara sipas moshës nga diabeti. Në vendet me të ardhura të ulëta dhe të mesme, shkalla e vdekshmërisë për shkak të diabetit u rrit me 13%.
Një në 10 të rritur në mbarë botën tani jeton me diabet, rreth 537 milionë njerëz. Pothuajse gjysma nuk e dinë se e kanë atë.
Rreth 700 milion njerëz pritet të preken me diabet deri me 20453 nga 4 njerëz të prekur me diabet jetojnë ne vende më të ardhura të ulëta ose të mesme
Gjysma e njerëzve të prekur me diabet janë të pa diagnositikuar
1 nga 2 njerëz që kanë nevojë për insulin nuk kanë akces në të
7 milionë të rritur vlerësohet të kenë vdekur për shkak të diabetit ose komplikimeve të tij në 2021
Një dietë e shëndetshme, aktivitet i rregullt fizik, mbajtja e një peshe normale trupore dhe shmangia e përdorimit të duhanit janë mënyra për të parandaluar ose vonuar shfaqjen e diabetit të tipit dy.
Diabeti mund të trajtohet dhe pasojat e tij të shmangen ose të vonohen me dietë, aktivitet fizik, mjekim, zbulim dhe trajtim të rregullt për komplikime.
Më shumë se 90% e kujdesit për diabetin është vetëkujdes dhe kërkon menaxhim 24/7.
Vetë kujdesuni për diabetin tuaj dhe mbroni të nesërmen!/telegrafi
