Një vetaksident ka ndodhur mbrëmjen e sotme në Lobuzhdë të Istogut, me ç’rast ka vdekur drejtuesi i veturës.
Lajmin për Teve1.info e ka konfirmuar zëdhënësi i Policisë, Fadil Gashi.
Sipas tij, pas arritjes së Policisë në vendin e ngjarjes është njoftuar edhe stafi emergjent, teksa vdekjen e viktimës e ka konstatuar mjeku kujdestar.
“Rreth orës 18:50, policia është njoftuar për një aksident në Lobuzhdë të Istogut. Me të arritur në vendin e ngjarjes, policia mësoi se bëhet fjalë për vetaksident. Një person ka qenë në veturë. Është njoftuar stafi emergjent dhe mjeku kujdestar ka konstatuar vdekjen e viktimës”, ka thënë ai.
Tutje Gashi tha se në vendin e ngjarjes kanë dalë njësiti i hetimeve të aksidenteve dhe Prokurori./teve1.info./
