Policia e Kosovës ka filluar hetimet pasi disa persona të dyshuar me veturë në Podujevë kanë shtënë me armë zjarri dhe janë larguar në drejtim të panjohur, raporton teve1.info
Sipas Policisë, në vendin e ngjarjes është gjetur edhe një granatë dore me sigurisë e cila është tërhequr nga njësia për dominim e KFOR-it dhe FSK-së.
Rasti është cilësuar si tentim vrasje dhe kanë filluar hetimet.
“Podujevë 09.11.2023-02:08. Ankuesi mashkull kosovar ka raportuar se persona të panjohur pasi kanë shtënë me armë zjarri, janë larguar me shpejtësi me një veturë në drejtim të panjohur. Lidhur me rastin njësitet policore në vendin e ngjarjes kanë gjetur dhe konfiskuar pesë (5) gëzhoja të armës, po ashtu një granatë dore me siguresë është gjetur në rrugë, me ç’rast njësitet për deminim nga KFOR dhe FSK kanë bërë tërheqjen e mjetit pa incidente. Në konsultim me prokurorin, rasti është kualifikuar si më lartë dhe ndodhet në proces hetimor”, thuhet në komunikatë.
