Një motoçiklist ka vdekur pas një aksidenti me një veturë në rrugën “Dëshmorët e Kombit” në Mitrovicë, raporton teve1.info
Lajmin e ka bërë të ditur Policia e Kosovës përmes një njoftimi në Facebook.
Sipas Policisë, motoçiklisti është transferuar menjëherë në Spitalin Rajonal të Mitrovicës, ku edhe është konfirmuar vdekja e tij.
“Sot, rreth orës 19:30, në Rrugën ,,Dëshmorët e Kombit” në Mitrovicë ka ndodhur një aksident në mes të një veture me targa vendore dhe një motoçiklete. Në këtë aksident lëndime të rënda ka pësuar drejtuesi i motoçikletës i cili është transportuar menjëherë në Emergjencën e Spitalit Rajonal në Mitrovicë mirëpo nga ana e stafit mjekësor është konfirmuar se si pasojë e lëndimeve të pësuara, drejtuesi i motoçikletës ka humbur jetën. Njësitë policore janë në vendin e ngjarjes dhe janë duke u marrë me hetimin e aksidentit”, thuhet në njoftimin e Policisë.
