Analisti politik, Bratisllav Kërstiq ka thënë se nga 100 qytetarë që kanë votuar deri më tani në Mitrovicën Veriore, asnjë nuk është serb.
Ai në një prononcim për Tëvë1 tha se deri më tani nuk ka pasur incidente.
“Deri tani në Mitrovicë Veriore kanë dalur diku 100 shqiptarë nëpër vendvotime. Nga komuniteti serb nuk është regjistruar asnjë votues. Pyetja kryesore është pse këto zgjedhje, kur rezultati është ditë një ditë më parë. Ka shumë arsyeje për të qenë i kënaqur sepse e kemi ruajtur një pjesë të paqes që e kemi në veri dhe është mirë”.
Kërstiq po ashtu tha se nga këto zgjedhje ka fituar kryeministri i Kosovës, Albin Kurti, por edhe presidenti i Serbisë, Aleksandar Vuçiq.
“Atmosfera e cila është duke mbretëruar në rrugët e veriut, siç duket është e njëjtë si ajo në zyrën e Kurtit dhe Vuçiqit. Kurti është një lloj fituesi sepse i ka organizuar zgjedhjet që do të thotë ligjërisht nuk e ka shkelur Kushtetutën. Në anën tjetër edhe Vuçiq është një lloje fituesi pasi ka një përqindje prej 51 të cilët në të kaluarën nuk janë duke pajtuar me politikën e Listës Serbe dhe politikën e Beogradit, e tashmë ai e ka homogjenizuar trupën elektrorale në veri”, ka thënë ai.
Tutje, ai pas zgjedhjeve ka thënë se është i bindur që do të ketë tensione.
“Pas zgjedhjeve jam i sigurtë që na pret një tension dhe jo incidente pasi serbët mund ose nuk mund të pranojnë që kryetari të jetë shqiptar”, shtoi Kërstiq. /Teve1.info/
