Kuvendi i Kosovës nuk e ka miratuar marrëveshjen ndërkombëtare në mes të Kosovës dhe Fondit OPEK.
73 deputetë kanë votuar për këtë marrëveshje, të pamjaftueshëm për ta ratifikuar.
Ministri i Financave, Hekuran Murati, e ka prezantuar marrëveshjen në mes të Kosovës dhe Fondit OPEK në vlerë prej 40 milionë Dollarëve, e cila tha se është pjesë e marrëveshjes me Bankën Botërore e cila është ratifikuar më parë në Kuvendin e Kosovës, raporton teve1.info
Murati tha se kredia prej 40 milionë Dollarëve ka për qëllim mbështetjen në formimin e transparencës fiskale, përmirësimin e mjedisit për sektorin privat si dhe përmirësimin e tranzicionit të gjelbër.
“Ministria e Financave e ka negociuar dhe nënshkruar marrëveshjen e financimit mes Kosovë OPEK për programin financat e Kosovës dhe rritja ekonomike. Marrëveshja e kredisë kap vlerën e 40 milion dollarëve amerikan dhe është në fomin e mbështetjes buxhetore prej buxhetit të shtetit.
Kjo marrëveshje vjen si vazhdimësi për politika zhvillimore që ka qenë me Bankën Botërore në pako bashkë me atë marrëveshje që është ratifikuar nga ky kuvend dhe e cila ka rezultuar si rrjedhojë e vargveprimesh të arritura duke përshirë edhe ndryshimet legjislative që kanë qenë të paraparë me marrëveshje.
Programi ka për qëllim mbështetjen në formimin e transparencës fiskale dhe përmirësimin e mjedisit për sektorin privat dhe përmirësimin në tranzicioin e gjelbër”, tha Murati.
Ministri Murati shtoi se marrëveshja e kredisë është për 20 vite, 5 vitet e para pa obligim kthimi apo “grejs periudhë””, tha Murati.
