Skuadra e Dinamo Zagrebit, tashmë ka siguruar titullin e kampionit të Kroacisë edhe pse deri në fund të sezonit aktual kanë mbetur edhe katër xhiro për t’u zhvilluar.
Dinamo, të dielën mposhti 2:1 Varazhdinin për t’u konfirmuar kampion i Kroacisë, ndërsa për sulmuesin e krahut, Arbër Hoxhën, kjo ishte një ndeshje e veçantë.
Futbollisti i Kombëtares së Shqipërisë, regjistroi paraqitjen e tij jubilare, të 100-të dhe për këtë u nderua me dhuratë speciale nga klubi kroat.
Hoxha prej vitit 2024 është pjesë e Dinamos, ekip me të cilin ka fituar dy tituj kampioni dhe ka kontratë deri në verën e vitit 2029.
Në sezonin aktual, 27-vjeçari ka shënuar 6 gola dhe ka bërë 7 asistime në 29 ndeshje të luajtura në kampionatin e Kroacisë.
