Ferat Shala nga PDK tha se këto masa janë dërguar në Kuvend gjashtë herë radhazi.
“Gjatë herë shmangie procedurale, gjashtë herë asnjë raport Qeveria nuk ia sjell Kuvendit me ditë cilat janë përfitimet, pasojat në këtë proces. Do ta prisnim shumë mirë nëse pas muajit të parë do ta kishim një raport dhe të shihnim se cilat janë përfitimet e këtyre vendimeve. PDK nuk mund të jetë pjesë e kësaj episode keqmenaxhuese në sektorin energjetik dhe do të jemi kundër”, tha Shala.
Edhe Valentina Bunjaku e LDK-së tha se për shkak të mosraportimit të ndikimit të masave të energjisë tek qytetarët, nuk do ta votojnë këtë vendim.
“Është hera e gjashtë që i njëjti arsyetim po vije për shtyrjen e masave emergjente dhe asnjë raport nuk e kemi se si kanë ndikuar këto masa”,tha ajo.
Kurse Besnik Tahiri i AAK-së tha se vazhdimi i këtyre masave është joserioze derisa shtoi se aktualisht gjendja në veri të vendit është e jashtëzakonshme.
Ai tha se AAK është kundër këtyre masave.
Ministrja e Ekonomisë, Artane Rizvanolli e paraqiti propozimin për vazhdimin e masave emergjente edhe për 30 ditë me arsyetimin se një gjë e tillë do t’i vazhdonte vendimet për mbështetje të qytetarëve për energji.
“Vendimet të cilat janë marrë në kuadër të masave emergjente, për të munduar të jenë në fuqi, ju lus ta votoni vazhdimin e masave emergjente për 30 ditë”, tha Rizvanolli.
Paraprakisht, Kuvendi e miratoi mocionin për miratimin e këtyre masave me procedurë të përhpejtuar.
