Është vështirë ekipet vendase të shpëtojnë pa dënim nga Komisioni i Garave i Federatës së Basetbollit të Kosovës.
Pas Trepçës në ndeshjen e katërt, kësaj radhe Bashkimi është dënuar nga KG me 1 mijë e 200 euro për ngjarjet nga dueli i pestë i serisë finale të playoffit të Superligës.
Bashkimi ka marrë 500 euro dënim për fyerje e sharje në kor të publikut ndaj ekipit mysafir si dhe 700 euro tjera për hedhje të gjësendeve në fushë të lojës, që mund të shkaktojnë dënime të lehta, ka bërë të ditur Informatori përkatës i FBK-së.
Sa i përket dënimeve individuale, Lejson Zeqiri i Bashkimit është dënuar me 200 ndërsa Batin Tuna i Trepçës me 100 euro për shkak të gabimeve teknike të tyre në këtë ndeshje.
Pas pesë përballjeve të serisë finale, Trepça udhëheq serinë 3-2 ndaj Bashkimit dhe duelin e radhës e ka në shtëpi, që luhet të mërkurën mbrëma në “Minatori”.
Kampion i Kosoovës bëhet ekipi që arrin katër fitore së pari.
