Bisedimet midis sekretarit amerikan të ushtrisë, Daniel Driscoll, dhe delegacionit rus po ecin pozitivisht, sipas një përditësimi të dhënë të martën nga zëdhënësi i tij, raporton Agence France-Presse (AFP).
Lt. Col. Jeff Tolbert, zëdhënësi i Driscoll, deklaroi se negociatat kanë qenë intensive dhe konstruktive gjatë dy ditëve të fundit.
Sipas tij, “të hënën vonë dhe gjatë gjithë të martës, sekretari Driscoll dhe ekipi i tij kanë qenë në diskutime me delegacionin rus për të arritur një paqe të qëndrueshme në Ukrainë”.
Ai shtoi se “bisedimet po shkojnë mirë dhe ne mbetemi optimistë.”
Ndërkohë, Shtëpia e Bardhë konfirmoi të martën se Shtetet e Bashkuara kanë bërë “përparim të jashtëzakonshëm” drejt arritjes së një marrëveshjeje paqeje midis Ukrainës dhe Rusisë, edhe pse disa çështje të rëndësishme kërkojnë ende punë të mëtejshme diplomatike.
Zëdhënësja e Shtëpisë së Bardhë, Karoline Leavitt, në një postim në X, theksoi se “ka disa detaje delikate, por jo të pakapërcyeshme, që duhet të zgjidhen dhe do të kërkojnë bisedime të mëtejshme midis Ukrainës, Rusisë dhe Shteteve të Bashkuara.”
