Zyra për Mbrojtje dhe Ndihmë të Viktimave (ZMNV) ka trajtuar gjithsej 58 raste të reja gjatë periudhës 18–25 shtator 2026.
Sipas të dhënave të ZMNV-së, shumica e rasteve të trajtuara lidhen me dhunën në familje.
Nga 58 rastet e reja, 46 janë raste të dhunës në familje, tri raste të degradimit të integritetit seksual, tri raste të dhunimit, një rast i vrasjes në tentativë, një rast i vrasjes së rëndë dhe një rast i sulmit.
Po ashtu, janë trajtuar dy raste të lëndimit të lehtë trupor dhe një rast i mospërfilljes së gjykatës.
Gjatë kësaj periudhe, Mbrojtësit e Viktimave kanë parashtruar në gjykatë katër kërkesa për urdhër mbrojtjeje (KUM), si dhe shtatë kërkesa për urdhër mbrojtjeje emergjente (KUME) dhe një kërkesë për urdhër mbrojtjeje të përkohshëm emergjent.
Gjithashtu, është paraqitur një kërkesë për tërheqjen e urdhrit të mbrojtjes.
Në kuadër të trajtimit të rasteve, janë zhvilluar 57 seanca gjyqësore dhe 10 seanca në Prokurori, ndërsa janë dhënë 27 këshilla juridike.
Sipas ZMNV-së, gjatë kësaj periudhe gjykatat kanë aprovuar shtatë aktvendime, ndërsa dy aktvendime janë refuzuar.
Po ashtu, janë evidentuar tetë aktgjykime dënuese.
Në kuadër të referimeve dhe përfaqësimit të viktimave, një rast është referuar në Polici, një në Agjencinë për Ndihmë Juridike Falas (ANJF), ndërsa një rast është përfaqësuar në Polici./teve1.info/
