Zyba tha se ata qytetarë që qarkullojnë në Kosovë me targa ilegale dhe nuk i konvertojnë ato në RKS do përballen edhe me masa tjera pas qortimit.
“Vendimet politike dhe ligjore janë obligim për ekzekutivin. Nëse është në funksion të ekzekutivit do e bartë si pasojë nëse kushdo lëviz me automjet civil personal, pra do i bartë edhe pasojat që pas qortimit, do ketë masa tjera”, deklaroi Zyba në emisionin “Këndi i Debatit” në Tëvë1.
Ndërsa, i pyetur se a është koha e duhur për këtë vendim, Zyba tha se këto ndryshime që tanimë po ndodhin, kanë qenë obligim edhe më herët.
“Nga koha, jemi vonë, por gjithmonë është thënia “më mirë vonë sesa kurrë”, tha tutje deputeti i Vetëvendosjes.
Teksa, tutje bëri thirrje që çdo politikan pa dallim nga pozita dhe çdo polic e qytetar, ta kenë për interes zgjidhjen e këtij problemi, raporton teve1.info.
Drejtori i Drejtorisë Rajonale të Policisë për Rajonin e Veriut, Nenad Gjuriq ka thënë sot se Policia e Kosovës në Rajonin e Veriut nuk mund ta zbatojë vendimin për riregjistrimin e targave të Serbisë në RKS.
