“Qortimi ka vazhduar pa shkëputje pavarësisht situatës. Qortimi nuk nënkupton që i zëvendëson format tjera, prandaj është masa më e parë që i paraprin secilës masë tjetër, pasi që ka mundësi të krijohet një opinion. Prandaj, një nga arsyet pse është shtyrë vendimi herën e kaluar ka qenë për shkak se nuk ka pasur masa qortuese dhe opsione për të dalë nga situata. Pra, nuk konsideroj që nuk ka qenë e planifikuar mirë çështja e qortimit. Informimi tashmë nuk mungon, ka ndikime tjera, në këtë rast ndikimi i investimit të Serbisë përmes mekanizmave që ajo ka”, tha Zyba në emisionin “Infonata” në Tëvë1.info.
Sipas Zybes, qëndrimi zyrtar i Qeverisë Kurti, mbështetësit e pavarësisë dhe njohësit e këtij procesi, kanë deklaruar se nuk kanë asnjë dilemë që duhet zbatuar ligji në këtë çështje.
“Pra, nga 21 nëntori do ketë ligj dhe rregull me më shumë ndikim”, tha ai tutje.
Kjo fazë qortuese për të gjithë qytetarët me targa ilegale serbe do të zgjasë për 21 ditë, më pastaj fillon faza e dytë, ajo e gjobitjes.
