Mosekzistimin e një liste të tillë e ka konfirmuar edhe deputeti i Lëvizjes Vetëvendosje, Salih Zyba në emisionin “Këndi i Debatit” në Tëvë1. Por sipas tij institucionet e drejtësisë kanë dëshmi për veprat kriminale.
“Nuk mendoj që ka lista, por ka dëshmi për secilin individ që janë potencial atje dhe që janë përsëritë vepra e tyre. Lista ka edhe Amerika për këta persona, bile ka edhe ndalesa për udhëtimi e për qnëdrim në Amerikë. Do të thotë persona në evidence, por nuk do të thotë që ka lista. Por tash keni parasysh diçka, strukturat që kanë dirigjuar deri tash, që kanë orkestruar, që kanë sponsorizuar përmes investimeve edhe të Beogradit janë disa elemente tashmë të dëshmuara prej prezencës fizike, prej qëndrimeve publike prej kërcënimeve publike, prej pjesëmarrjes jo vetëm në vendosje të barrikadave por më pas edhe në akte të dyshimta për të cilat mekanizmat e drejtësisë i kanë të gatshme tashmë”, është shprehur ai.
Ai tha se nuk është parë gatishmëri e qytetarëve serbë për të marrë pjesë në veprime të kundërligjshme./Teve1.info/
