Albian Hajdari dhe Andi Zeqiri janë dy futbollistët shqiptarë të ftuar nga selektori i Zvicrës, Murat Yakin për dy ndeshjet miqësore të këtij muaji.
Kombëtarja e Zvicrës do të jetë pa kapitenin Granit Xhaka dhe mesfushorin Ardon Jashari.
Xhaka ka marrë leje nga Yakin, pasi pritet të bëhet baba për herë të tretë, kurse Jashari u lëndua të mërkurën në ndeshjen kthyese të Club Brugget ndaj Aston Villas.
Zvicra ndeshjen e parë e luan të premten e ardhshme ndaj Irlandës së Veriut, kurse më 25 mars ndaj Luksemburgut.
