Aktvendimi i Gjykatës Komerciale – Dhoma Shkalla e Dytë ka aprovuar ankesën e ZRrE-së dhe ka ndryshuar pikën IV të Aktgjykimit me ç’rast ka refuzuar padinë e paditësit për shtyrjen e liberalizimit të tregut të energjisë elektrike.
Lidhur me këtë ZRrE thotë se procesi i liberalizimit të tregut të energjisë elektrike është në përputhje të plotë me legjislacionin në fuqi.
“Ligjshmëria e këtij procesi po konfirmohet nga gjykatat kompetente, së fundi edhe nga Gjykata Komerciale – Dhoma Shkalla e Dytë, duke vërtetuar se të gjithë hapat janë ndërmarrë në përputhje me ligjet e aplikueshme në Republikën e Kosovës”, thuhet në reagim.
ZRrE u ka bërë thirrje konsumatorëve komercialë se duhet të jenë në treg të lirë dhe që ata që ende nuk lidhur kontratë komerciale të furnizimit me energji elektrike, të veprojnë pa vonesa.
“Sepse nga data e 16.08.2025 konsumatorët komercial të cilët nuk kanë nënshkruar kontratë komerciale me një nga furnizuesit e licencuar do të ndërpriten nga rrjeti energjetik”, thuhet tutje./teve1.info/
