Një aktakuzë e ndryshuar për ish-kryetarin e Malishevës Isni Kilajn është dorëzuar nga Zyra e Prokurorit të Specializuar të Kosovës me seli në Hagë .
“Në vazhdim të njoftimit të mëparshëm lidhur me çështjen Kilaj në muajin maj, më 18 korrik ZSP-ja ka njoftuar publikisht Gjykatësen e Procedurës Paraprake se ka dorëzuar aktakuzën e ndryshuar kundër Isni Kilajt. Njoftimi, i cili nuk përfshin detaje të mëtejshme, është i disponueshëm këtu”, bëhet e ditur në njoftimin e Speciales .
Ai ishte liruar me kusht nga Gjykata Speciale,në maj të këtij viti pas plotësimit të kushtit të dorëzanisë në shumë prej 30 mijë eurosh .
Ndërsa në njoftimin e lëshuar në atë kohë thuhej se edhe pse Isni Kilaj është liruar,ai prapë e ka statusin e të dyshuarit në proceset e Dhomave të Specializuara./teve1.info/