Një market është përfshirë nga zjarri mesditën e sotme në fshatin Kijev të Komunës së Malishevës.
Lajmin për Tëvë1 e ka konfirmuar zëdhënësja e Policisë për rajonin e Gjakovës, Vlera Krasniqi, e cila tha se rasti është raportuar rreth orës 12:00.
Sipas saj, njësitet policore kanë dalë në vendin e ngjarjes, ndërsa janë njoftuar edhe ekipet e zjarrfikësve, të cilat po punojnë për lokalizimin e zjarrit.
Deri tani, nuk është raportuar për persona të lënduar si pasojë e zjarrit.
“Rreth orës 12:00, kemi pranuar informatën se një objekt afarist është përfshirë nga zjarri në fshatin Kijevë, Komuna e Malishevës. Njësitet përkatëse policore kanë dalë në vendin e ngjarjes, ndërsa janë njoftuar edhe ekipet e zjarrfikësve, të cilat janë duke ndërmarrë veprimet e nevojshme për lokalizimin e zjarrit. Deri më tani, nuk është raportuar për persona të lënduar si pasojë e zjarrit”, ka thënë për tëvë1, zëdhënësja e Policisë për rajonin e Gjakovës, Vlera Krasniqi.
