Objekti i Kino Rinisë në rrugën “Migjeni” në Prishtinë, është përfshirë nga zjarri.
Në vendin e ngjarjes kanë dalë zjarrfikësit dhe policia, të cilët janë duke u marrë me rastin.
“Sot rreth orës 15:30, kemi pranuar informatën për një zjarr në një objekt në rrugën ‘Migjeni’ në Prishtinë.Në vendngjarje kanë dalë zjarrfikësit dhe policia të cilët janë duke u marrë me rastin”, tha zëdhënësja e Policisë së Kosovës për rajonin e Prishtinës, Flora Ahmeti.
Kurse, Ekipi i tëvë1 ka bërë të ditur se zjarri është ende aktiv dhe zjarrfikësit po punojnë për lokalizimin e zjarrit.
Madje, qarkullimi i automjeteve është ndaluar në këtë rrugë.
Drejtori për Siguri dhe Emergjenca në kryeqytet, Lulzim Fushtica ka thënë se zjarri dyshohet se ka ndodhur për shkak të numrit të madh të mbeturinave.
Madje, sipas tij të lënduar nuk ka dhe objektet përreth nuk janë të rrezikuar, mirëpo është mbyllur qarkullimi i automjeteve për arsye se ka shpërthime brenda ku mund të rrezikohen kalimtarët.
“Dyshohet që ka ndodh për shkak te numrit të madh të mbeturinave. Të lënduar nuk ka. As nuk rrezikohen objektet përreth. Mirëpo po ka vazhdimisht shpërthime brenda ku edhe mund te rrezikohen kalimtaret”, ka deklaruar Fushtica./teve1.info/
