Lumir Abdixhiku, kandidati për kryeministër i LDK-së, ka kërkuar votën e llapjanëve për 9 shkurt në tubimin që e mbajti sot atje.
Para tyre, ai i përmendi disa nga planet dhe investimet që i ka ndërmend t’i bëjë në Podujevë.
“Do të përfundojmë magjistralen e stërzgjatur, e me prioritet absolut si interes nacional të vendit. Do të jem vet në terren çdo ditë e natë për t’i përfunduar punimet në kohë rekorde për ju Llap. Do të rikthejmë Spitalin e Podujevës atë që ua hoqën këta, sepse e meritoni këtë spital. Do të ndërtojmë gjithandej në Llap”.
“Do të japim mbështetje të plotë që bizneset e kësaj ane të kenë zonën e tyre ekonomike, me qëllim të krijimit të vendeve të punës për qytetarët e juaj”, ka thënë Abdixhiku.
