E gjatë orëve të hershme të mëngjesit, zjarrin e ka kapluar edhe një ndërtesë shumëkatëshe në kryeqytet. Nga këto flakë nuk pati persona të lënduar mirëpo u dëmtuan disa kate. Ekipi e zjarrfikësve thonë se ne vendin e ngjarjes kanë arritur për gjashtë minuta mirëpo ka qenë i vështirë intervenimi, nga komuna e Prishtinës thonë se kanë filluar hetimet për të parë se cili është shkaktari.
Nga këto flakë, u përshi kjo ndërtesë në rrugën “Ukshin Hoti” në kryeqytet.
Mirëpo pavarësisht flakëve në disa kate, nuk pati persona të lënduar.
Madje, edhe pas kaluan tri orë, zjarrfikësit në ndërtesën shumë katëshe nuk po arrinin të ndalnin zjarrin.
Operimi ishte i vështirë në këtë pjesë pasi sipas ushtruesit të detyrës së komandantit të Brigadës së Zjarrfikësve, Malë Gashi ka pasur disa zona të prekura.
Ai tha se intervenimi i ekipit ka ndodhur për gjashtë minuta.
Sipas Gashit, fillimisht është raportuar për një lokal të kapluar nga zjarri jo e gjithë ndërtesa.
E brenda shiritit të sigurisë në këtë zonë prezent ishin edhe zyrtarë të Komunës së Prishtinës.
Drejtori i Emergjencave në këtë komunë, Lulzim Fushtica tha se aktualisht nuk dihet se kush është shkaktari i këtij zjarri.
E nga Policia e Kosovës thonë se po merren me rastin.
Përveç zjarrfikësve dhe policisë, prezent në vendin e ngjarjes ishin edhe nga ekipet emergjente të Qendrës Klinike Universitare të Kosovës.