Komandanti i Forcës së Sigurisë së Kosovës, gjenerallejtënant Bashkim Jashari ka pritur sot në takim komandantin e KFOR-it gjeneral major, Özkan Ulutaş.
Në një njoftim për media, nga FSK-ja bëhet e ditur se Jashari informoi komandantin e KFOR-it për planet, angazhimet aktuale të FSK-së, dhe planet e zhvillimit në vijim.
Gjeneralët, po ashtu, shkëmbyen diskutime edhe rreth zhvillimeve të sigurisë në vend dhe rajon.
“Gjeneral Jashari dhe Gjeneral Ulutaş, konfirmuan gatishmërinë për vazhdim dhe rritje të bashkëpunimit të ndërsjellë në mes të FSK-së dhe KFOR-it, dhe u zotuan që kjo të jetë në funksion të sigurisë dhe paqes në vend dhe me gjerë”, thuhet në njoftim. /Teve1.info
