Edon Zhegrova ka gjasa të mëdha që për herë të parë të jetë startues këtë sezon te skuadra e Juventusit.
Mediumet italiane, kanë raportuar se Zhegrova pritet të luajë prej minutës së parë në ndeshjen kundër Udineses.
Ndeshja Juventus – Udinese, luhet të martën prej orës 21:00 në Torino dhe i takon fazës të 1/8 së finales të Kupës së Italisë.
Thuhet se trajneri Luciano Spalletti do ta aktivizojë Zhegrovën prej minutës së parë në këtë përballje, duke i dhënë mundësinë që të jetë startues për herë të parë këtë sezon.
Zhegrova, i cili iu bashkua këtë verë Juventusit nga Lille ende nuk ka qenë startues te Juventusi, ekip ku ka regjistruar gjashtë paraqitje në total deri më tani.
Prej gjashtë ndeshjeve, Zhegrova tri paraqitje i ka në Serie A dhe tri të tjera në Ligën e Kampionëve, ku në të gjitha është inkuadruar nga banka e rezervistëve.
Në total, Zhegrova ka regjistruar në total 86 minuta në të gjitha garat, prej të cilave 58 në kampionat dhe 28 tjera në Champions.
26-vjeçari u transferua prej 20 milionë euro te Juventusi, ekip me të cilin ka kontratë deri në verën e vitit 2030.
