Futbollisti i Kosovës, Edon Zhegrova vazhdon të mos stërvitet me ekipin e parë të Lillet, kanë bërë të ditur mediume franceze.
Pasi mungoi nga gjysma e dhjetorit, Zhegrova ishte ftuar nga klubi që të paraqitej më herët për fazën përgatitore, sikurse lojtarët tjerë të lënduar.
Por Zhegrova nuk u paraqit më herët në stërvitje dhe Lille e sanksionoi, ku 26-vjeçari mbetet i dënuar, përkatësisht larg skuadrës së parë.
Ai po ushtron, por jo me ekipin e parë të trajnerit Bruno Genesio dhe thuhet se raportet mes Zhegrovës dhe klubit nuk janë aspak të mira.
Zhegrova ka edhe një vit kontratë me Lillen, ndërsa ka shprehur dëshirë të largohet këtë verë.
