Edon Zhegrova mund të mbetet në Lille përkundër dëshirës së tij për t’u larguar.
Mediat franceze raportojnë se klubi francez e ka marrë një vendim të prerë për yllin kosovar.
Në fakt, 26-vjeçari do t’i bashkohet sot ekipit në stërvitje pasi qëndroi për një kohë i distancuar pasi nuk iu lejua të ushtronte me skuadrën franceze.
Ai po stërvitej individualisht dhe me ekipin e rezervistëve.
Mirëpo, mediumi i njohur francez “L’Equipe” raporton se përfaqësuesi kosovar do të rikthehet nga dita e sotme me ekipin e parë.
Gjatë muajve të fundit u spekulua se ish-futbollisti i Baselit do të transferohej në Itali, ku e donte më së shumti Napoli, ndërsa më pas në garë thuhet se ishte futur edhe Olympique Marseille, ndonëse nuk kishin nisur asnjëherë bisedimet mes klubeve.
Pra, Zhegrova ka mundësi ta respektojë kontratën deri në fund, respektivisht deri në fund të sezonit të ri, e pastaj të shikoj për mundësinë e rradhës të transferimit.
Anësori ofanziv ishte transferuar në Lille në janar të vitit 2022 nga Baseli për 7 milionë euro.
Zhegrova i ka zhvilluar 80 ndeshje në Ligue 1, ndërsa i ka realizuar 15 gola dhe i ka bërë 12 asistime.
Futbollisti i krahut të djathtë nuk ka luajtur që nga dhjetori i vitit të kaluar shkaku i një lëndimi të pësuar, ndërsa kjo ka bërë edhe që interesimi i klubeve të zbehet.
