Ylli i Kombëtares së Kosovës, Edon Zhegrova do ti mungoj Lillet edhe në ndeshjen e parë të 1/8 së finales kundër Borussia Dortmundit në Ligën e Kampionëve.
Zhegrova nuk ishte në mesin e 23 futbollistëve të ftuar nga trajneri Bruno Genesio për duelin kundër Dortmundit që luhet sot prej orës 21:00 në stadiumin “Signal Iduna Park”.
Zhegrova nuk ka luajtur për Lillen prej muajit dhjetor për shkak të lëndimit dhe kjo do të jetë ndeshje e katërt rresht në Champions që i mungon ekipit.
Po ashtu, ai nuk ka luajtur as në 9-të ndeshjet e fundit në kampionat dhe pritet të rikthehet në fushë në fund të këtij muaji pasi ka rifilluar stërvitjet me ekipin.
25-vjeçari këtë sezon ka 8 gola e 2 asistime në 21 ndeshje të luajtura kurse në verë pritet të largohet nga Lille, ekip me të cilin ka kontratë deri në vitin 2026.
