Futbollisti i Kombëtares së Kosovës, Edon Zhegrova, ka publikuar një video në rrjetet sociale ku shihet gjatë seancës së parë stërvitore pas kthimit nga lëndimi.
Zhegrova ndeshjen e fundit në kampionatin francez e ka zhvilluar kundër Marseillet në udhëtim.
Ai takim, që i takoi xhiros së 15-të të elitës së futbollit francez, përfundoi 1:1 dhe u zhvillua më datën 14 dhjetor.
Zhegrova kishte luajtur vetëm në pjesën e parë dhe pastaj nuk ishte pjesë e skuadrës për 11-të ndeshje.
Sipas mediumeve franceze, Zhegrova pritet të kthehet në fund të muajit mars.
Ai pritet t’i mungojë Kosovës në dy ndeshjet e marsit kundër Islandës, në kuadër të plejofit të Ligës së Kombeve të UEFA-s.
