Dy raste të vajzave të mitura të zhdukura janë raportuar në 24 orët e fundit në Kosovë.
Rasti i parë ka ndodhur në Malishevë, ku një nënë ka raportuar se vajza e saj ka dalë nga banesa dhe nuk dihet për vendndodhjen e saj.
“PERSON I ZHDUKUR· Rr. Hamdi Berisha, Malishevë 25.11.2025 – 19:00. Ankuesja femër kosovare, ka njoftuar se vajza e saj e mitur, ka dalë nga banesa dhe nuk dihet për vendndodhjen e saj. Rasti duke u hetuar.”
Rasti i dytë është regjistruar në Rahovec, ku një baba ka raportuar largimin e vajzës së tij nga shtëpia.
“Fsh. Bellacërkë, Rahovec 26.11.2025 – 04:20. Ankuesi mashkull kosovar, ka njoftuar se vajza e tij është larguar nga shtëpia dhe nuk dihet për vendndodhjen e saj. Rasti në hetime.”
Autoritetet janë duke hetuar të dy rastet dhe nuk ka informacione të tjera për momentin mbi vendndodhjen e vajzave.
