Dy vajza të mitura janë raportuar të zhdukura dje nga familjarët e tyre.
Rasti i parë ka ndodhur në Pejë, ku prindi ka raportuar në Policinë e Kosovës se vajza e tij ka dalë nga shtëpia, derisa ende nuk është kthyer.
“Rr. Azem Lukaj, Pejë 10.09.2023 – 07:00. Ankuesi mashkull kosovar ka raportuar se vajza e tij- fëmijë ka dalur nga shtëpia, deri më tani nuk është kthyer ende dhe nuk di për vendndodhjen e saj. Në lidhje me rastin është konsultuar prokurori i shtetit, rasti vazhdon të hetohet”, thuhet në raportin e policisë.
Ndërsa, rasti i dytë ka ndodhur në Mitrovicë, ku prindi është ankuar se vajza e tij ka dalë e nuk është kthyer më në shtëpi.
“Rr. Ahmet Selaci, Mitrovicë 07.09.2023 – 23:30. Me datë 10.09.2023 ankuesi mashkull kosovar ka raportuar se vajza e tij e mitur ka dalur nga shtëpia, deri më tani nuk është kthyer ende dhe nuk di për vendndodhjen e saj. Në lidhje me rastin është konsultuar prokurori i shtetit, rasti vazhdon të hetohet”, thuhet në raportin 24-orësh.
Policia thotë se prindërit e të miturave nuk kanë njohuri për vendndodhjen e tyre.
Sipas PK-së, në konsultim me prokurorin e shtetit rastet janë duke u hetuar./teve1.info/
