Ish-futbollisti, Mentor Zhdrella në emisionin qëndror të sportit “VAR” në Tëvë1, thotë se deklarata e Mujës ishte e nxituar dhe nuk duhet të bëhet një e tillë, pasi sipas tij Benzema është një nga shembuj që duhet marrë.
Zhdrella thotë se sulmuesi francez është një nga më të mirët, por ka qenë jashtë për disa vite i përjashtuar nga Franca.
“Ajo deklaratë e Mujës nuk më ka pëlqyer, pasi ka një kohë të shkurtër që është dalur nga futbolli i Kosovës. Në rast se i marrim përformancat e tij në Dritë nuk ka qenë prej më të mirëve, mos të flasim edhe për në Antwerp. Me ka penguar qasja e lojtarit sepse ka qenë në grumbullimin e kaluar. Trajneri ka reguar pasi ai ka thënë se iku për Shqipëri, por le të shkon askush nuk e ndal. Benzema është një nga top-sulmuesit dhe e kanë përjashtu me vite të tëra nga Franca. Një deklaratë e tillë nxitë turbulenca edhe brenda kombëtares”, tha Zhdrella.