Shkolla 9 vjeçare “Kosova” ishte një nga gjithsej 5 mijë qendrat e votimit të zgjedhjeve parlamentare në Tiranë.
Dyert e saj për votim u hapën në orën 07:00 të mëngjesit të dielën.
Ngjashëm filloi procesi edhe në qendra tjerë ku mundësi votimi patën
3 milionë e 713 mijë 3 761 qytetarë të Republikës së Shqipërisë, brenda dhe jashtë shtetit.
Ky veprim i tyre demokratik do të përcaktojë qeverinë e ardhshme në zgjedhjet Parlamentare 2025.
E dalja për të ushtruar të drejtën e votës në orët e para të mëngjesit qe me intensitet më të lartë.
Procesin e votimit në Tiranë monitoroi Tëvë1 ku nga vëzhgimi në terren nuk u regjistruan incidente veçse pati probleme teknike të votimit përmes sistemit elektrik.
Monitorimi përveç vëzhguesve të Komisionit Qendror të Zgjedhjeve, bëhej edhe përmes kamerave të vendosura në çdo qendër të votimit.
Shqiptarët, u panë në disponim kur përfunduan votimin në Tiranë.
“ Shkëlqyeshëm fare, si andej kah krahinat tona. Nga këto zgjedhje presim fitore, u shpreh një qytetar
“ Shumë mirë”, tha një tejtër qytetar.
E në Elbasan, një nuse ndau kohë nga dita e saj e martesës për të hedhur votën.
Ajo u paraqit në qendrën e votimit me vellon e bardhë për të ushtruar të drejtën e votës, për zgjedhjet parlamentare.
Por ajo që mori vëmendje të dielën qe bartja e fletëvotimeve me mushka në zonën malore në Bashkinë e Kukësit.
Analisti politik, Ben Andoni thotë për Tëvë1 se Shqipëria ende po ballafaqohet me probleme në procesin zgjedhor.
Ai përmend daljen e vogël e qytetarëve.
“KQZ-ja vazhdon t’i trajnoi njerëzit e ndryshëm që merren me procesin e votimit, ne tregojmë që kemi probleme. Shpresoj të ketë një pjesëmarrje ta kaloi 50%’shin në votimet e fundit, për të thënë në dekadën e fundit, votojnë më pak se 50% e shqiptarëve ky është problemi më i madh”, tha Andoni
Përveç kësaj, qytetarët u ballafaquan edhe me ndryshimet e qendrave të vendvotimeve, pasi që në listë nuk u figuronte emri.
Zgjedhjet Parlamentare në Shqipëri mbahen çdo katër vite ku zgjidhen 140 deputetë.
