Kërcënimet jo të besueshme ndërprenë për pak kohë votimin në dy qendra votimi në Gjeorgji të martën në mëngjes, sipas zyrtarëve lokalë të cilët thonë se do të kërkojnë një urdhër gjykate për të zgjatur orët e votimit.
Sipas CNN u raportuan pesë kërcënime jo të besueshme me bombë, duke çuar në një evakuim të përkohshëm në dy vendndodhje të kontesë Fulton për rreth 30 minuta, tha në një konferencë shtypi Nadine Williams, drejtoresha e regjistrimit dhe zgjedhjeve të qarkut.
“Fatmirësisht këto lokacione tani janë përsëri funksionale dhe të gjitha qendrat e votimit janë të sigurta me një prani aktive të sigurisë,” tha Williams.
Zyrtarët e qarkut do të kërkojnë një urdhër gjykate për t’i mbajtur dy vendet – CH Gullatt Elementary dhe Etris Community Center – të hapura pak më vonë sonte, tha Williams.
Qytetarët amerikanë sot po votojnë për presidentin e ri të tyre mes dy kandidatëve, republikanit Donald Trump dhe demokrates Kamala Harris.
Presidenti i zgjedhur do të inaugurohet të hënën më 20 janar 2025, në ambientet e kompleksit Kapitol – inaugurimi i 60-të presidencial në historinë e SHBA-së.
