Të dielën në Francë mbahet raundi i dytë i zgjedhjeve presidenciale.
Ashtu si në zgjedhjet e vitit 2017, edhe këtë vit në balotazh francezët mund të zgjedhin mes presidentit aktual, Emanuel Macron dhe kandidates nga ekstremi i djathtë, Marine Le Pen.
Nëse fiton kjo e fundit, Kosova do ta ketë më të vështirë të marr liberalizimin e vizave.
Kështu deklaroi në emisionin “Ditar”, deputeti i Lëvizjes Vetëvendosje, Agon Batusha.
Ndërsa, Enver Hoxhaj nga Partia Demokratike e Kosovës, thotë se është koha e fundit që francezët ta shqyrtojnë qasjen e tyre në raport me Kosovën.
Një qasje të re për liberalizimin e vizave nga presidenti i ri franceze e pret edhe kryetari i Aleancës për Ardhmërinë e Kosovës, Ramush Haradinaj.
Franca dhe Holanda kanë qenë vazhdimisht dy vendet kryesore të cilat e kanë bllokuar liberalizimin e vizave për qytetarët e Republikës së Kosovës.
Raporti i gazetarit Valmir Gallopeni.
