Zgjedhjet lokale në Shqipëri do të mbahen më 14 maj 2023, e lidhur me këtë çështje, analisti Tomorr Avdija, vlerësoi se problemi më i madh gjatë këtij procesi zgjedhor, do të jetë mbrojtja e votës.
Madje sipas tij, rezultati i këtyre zgjedhjeve mund të preket pikërisht nga partia në pushtet.
“Problemi më i madh për procesin zgjedhor është dhe pas zgjedhjeve, është mbrojtja e votës. Sistemi zgjedhor dëmtohet, preket dhe ajo shtantazhohet nga partia në pushtet, e që nënkupton që rezultati mund të preket, e me prekjen e rezultatit mund të shkaktohen pasoja për të cilat mund të jenë të pallogaritshme pas zgjedhjeve. Qytetarët duket që e kanë arritur shkallën e mosbesimit”, deklaroi Avdija në emisionin “Infonata” në Tëvë1.
Ndërkaq, përmendi edhe votat elektronike që për herë të parë do të aplikohen në tri bashkitë më të mëdha në Shqipëri, e që sipas tij, do të pritet një rezultat mjaft i shpejtë, përcjell teve1.info.
“Sipas garancive që ka marrë Komisioni Qendror i Zgjedhjeve, duket që sistemi është i mbrojtur, por për ta parë se sa është i mbrojtur ky sistem dhe a do jetë efikas, do të shihet në ditën e zgjedhjeve dhe pas përfundimit të procesit zgjedhor”, shtoi tutja ai.
Procesi i 14 majit shënon zgjedhjet e nënta lokale që do të mbahen në Shqipëri, prej rënies së komunizmit, pa përfshirë këtu zgjedhjet e pjesshme lokale./teve1.info/.
