Eugen Cakolli nga KDI ka thënë se me rreth 97% të vendvotimeve të proceduara, përbërja e kuvendeve komunale dhe ndarja e mandateve sipas subjekteve politike, tashmë është pothuajse përfundimtare.
Sipas rezultateve të deritanishme, PDK kryeson me 208 asamblistë, e ndjekur nga LDK me 199, LVV me 188, dhe AAK me 98.
Cakolli ka thënë se në disa komuna ku ende nuk janë proceduar të gjitha votat, mund të ketë ndryshime minimale.
Në anën tjetër, votat me kusht dhe ato me postë, ndonëse zakonisht kanë ndikim simbolik në rezultatet e subjekteve politike, mund të bëjnë dallimin tek kandidatët individualë për asamble komunale brenda listave, që potencialisht fitojnë mandatin, përfundon Cakolli.
