Ministri i Qeverisë Kurti, Andin Hoti ka thënë se personalisht nuk beson që vendi do të shkojë në zgjedhje të reja për shkak të presidentit.
Një gjë e tillë sipas tij do të ishte e dëmshme për vendin.
Ai ka thënë se dy paritë të mëdha që kanë ndikim në zgjedhjen e presidentit, duke aluduar në PDK-në e LDK-në.
“Besoj se duhet të ketë një thirrje mendjes të spektrit politik që të tejkalojnë këtë problem të panevojshëm. Janë dy subjekte politike të mëdha që kanë ndikim në këtë pikë që duhet t’i thirrin mendjes. Nuk besoj që ua fal populli nëse shkojmë në zgjedhje edhe një herë”, ka thënë Hoti në emisionin “Këndi i Debatit” në Tëvë1.
Ai ka thënë se shkuarja në zgjedhje do të prodhojë rezultat më të mirë për Lëvizjen Vetëvendosje.
“Unë nuk besoj që guxon me mendua që duhet këtë popull edhe një herë me lodh dhe me dërgua për herë të pesë në zgjedhje, brenda një viti. Nuk guxojmë të mendojmë që të shkojmë në zgjedhje, sepse zgjedhjet prodhojnë një rezultat edhe më të mirë për Vetëvendosjen, por ndoshta jo të mjaftueshëm për me zgjedh presidentin vet”, ka thënë Hoti.
Hoti nuk ka folur nëse LVV do ta propozojë Osmanin edhe për një mandat me arsyetimin se nuk është i informuar për qëndrimet e LVV-së, por ka thënë se LVV do t’i jap votat e saj për zgjedhjen e presidentit.
