Këtë e ka bërë të ditur zëdhënësja e NATO-s, Oana Lungescu përmes një postimi në Twitter.
Sipas saj, më 7 korrik do të jetë delegacioni i NATO-s në Kosovë dhe do të udhëhiqet nga zëvendëssekretari i përgjithshëm, Mircea Geoana.
“Të enjten e 7 korrikut, një delegacion i lartë i Këshillit të NATO-s do ta vizitojë Kosovën, ka bërë të ditur në një njoftim për media NATO-ja. Zëvendëssekretari i përgjithshëm, Mircea Geoana, do të jetë udhëheqës i delegacionit”, ka shkruar Lungescu.
The North Atlantic Council, led by Deputy Secretary General @Mircea_Geoana, will visit the #NATO-led @NATO_KFOR mission in Kosovo on Thursday 7 July.
ℹ️ https://t.co/6OotvIx5jw pic.twitter.com/LoRxYuPIwb
— Oana Lungescu (@NATOpress) July 6, 2022
Po ashtu, bëhet e ditur se Geoana do të takohet me presidenten e Kosovës, Vjosa Osmanin, dhe kreun e Listës Serbe, Goran Rakiq.
“Ambasadorët e Aleatëve dhe të Partnerëve kontribuues të trupave të KFOR-it do të takohen me komandantin e KFOR-it, gjeneralmajor Ferenc Kajári dhe drejtorin e Ekipit Këshillues dhe Ndërlidhës të NATO-s në Kosovë, gjeneral brigade Joachim Hoppe. Ata do të kenë edhe një shkëmbim me shefat e misioneve të Bashkimit Evropian, EULEX-it, OSBE-së dhe UNMIK-ut. Ambasadorët do të kenë mundësinë të angazhohen me trupat e KFOR-it. Zëvendës Sekretari i Përgjithshëm do të takohet me znj. Vjosa Osmani dhe z. Goran Rakiq në Prishtinë për një diskutim dypalësh”, thuhet ndër të tjera në njoftim. /teve1.info/
