Zeqiri këto deklarata i bëri duke e cilësuar Policinë e Kosovës si Institucioni më kredibil në vend.
“Institucioni më kredibil në Republikën e Kosovës dhe institucioni më i besueshëm aktualisht është Policia e Kosovës. Aktualisht zyrtarët policorë që e përfundojnë karrierën, e kjo ndodhë në moshën 65 vjeçare, janë pa pension. Pse po e them pa pension, për shkak se ata në momentin që përfundojnë karrierën marrin nga 100 euro që është pension i pleqërisë. Domethënë për punën që e bën në institucionin më të rëndësishëm të vendit që është institucioni i sigurisë, nuk ka shpërblim por në njëfarë forme ai për mendimin tim apo për mendimin e sindikatës është mjaft diskriminues” tha ai.
Tutje gjatë emisionit “Ditari” në Tëvë1, Zeqiri foli për mungesën e ligjit për pensionim të parakohshëm të zyrtarëve policorë, ligj ky i cili është i draftuar nga Ministria e Financave.
“Policisë së Kosovës i mungojnë shumë gjëra por edhe ligji mbi pensionimin në moshën 55 vjeçare e jo pensionimi i parakohshëm, por kjo do të ishte një zgjidhje që do të bëhej një ligj i cili është i domosdoshëm sepse jemi Policoa ma e vjetër në rajon apo aktualisht saktë e kemi diku mesataren e moshës që ka arrit në 47- vjeçare. Është premtuar që ky ligj do të bëhet brenda këtij viti ”, theksoi ai.
