Mëngjesin e sotëm, në komunën e Zubin Potokut janë vendosur disa pamflete në të cilat përmbajnë mesazhe kërcënuese. Policia e Kosovës ka nisur hetimet, ndërsa kryetari i komunës Izmir Zeqiri tha për televizionin se këto pamfleta janë tendencë për frikësim ndaj qytetarëve.
Mëngjesin e së premtes kjo lagje u mbush me grafite nacionaliste serbe.
Përveç tyre, në lokalet e këtyre ndërtesave këtu në qytetzën e Zubin Potokut, u vendosën edhe disa pamfleta.
Në to shihet fotografia e kryeterroristit Millan Radojiçiq me grupin e tij, para bustit të Car Lazar në veri të Mitrovicës, fotografi kjo e shkrepuar para sulmit të 24 shtatorit në Banjskë të Zveçanit.
Mbi këto pamflete është vendosur mbishkrimi “Të gjithë jemi Milana dhe vëllezër nga Banjska”.
E Policia e Kosovës ka nisur hetimet.
Ndërsa rasti është iniciuar nga Prokuroria Speciale si “Nxitje e urrejtjes dhe përçarjes”.
Kryetari i komunës, Izmir Zeqiri tha për televizionin se këto lëvizje janë tendencioze dhe se pamfletat janë vendosur nga njerëz të Radojiçiqit.
Muaj më parë policia e Kosovës konfiskoi broshura të ngjashme pas një aksioni në veri të Mitrovicës, ku janë intervistuar edhe persona të dyshuar për “nxitje të urrejtjes”.
Këto pamflete u vendosën vetëm në komunën e Zubin Potokut në ditën kur presidenti serb, Aleksandar Vuçiq tha se do t’i prezantojë ato që i ai i ka quajtur kërkesa të Serbisë.
