Përmes një njoftimi në Facebook, Sindikata e Policisë ka njoftuar se njësitet policore kanë qenë në detyra të rregullta në patrullim, derisa thuhet s ejani sulmuar nga persona të armatosur me armë të gjatë në Mitrovicën e Veriut.
“Njësitet policore kanë qenë në detyra të rregullta, në patrullim, janë sulmuar nga persona të armatosur me armë të gjata në Mitrovicën e Veriut”, thuhet në njoftim.
Sipas Sindikatës, zyrtari policor pasi kishe marrë lëndime gjatë detyrës zyrtare, ishte i pranuar në Qendrën Emergjente, pas trajtimit në Spitalin e Përgjithshëm të Mitrovicës.
“Ekipi i Klinikës Emergjente bashkë me mjekët konsulentë nga klinikat përkatëse kanë kryer të gjitha ekzaminimet e nevojshme dhe është futur polici në sallën e operacionit nga mjekët e QKUK-së, pas intervenimit , sipas mjekëve, është jashtë rrezikut për jetë”, thuhet në njoftim.
Po ashtu, kjo Sindikatë është shprehur se i ofron mbështetje policit dhe i siguron se do të kenë përkrahjen e Sindikatës në çdo moment dhe në çdo rrethanë.
“Sindikata e Policisë së Kosovës dënon ashpër çdo sulm ndaj zyrtarit policor dhe çdo sulm ndaj Policisë e konsideron si sulm ndaj shtetit”, është thënë ndër të tjera në njoftim.
