Gazetari, Florent Zeqaj, ka deklaruar se ka informacione sipas të cilave Lëvizja Vetëvendosje shumë shpejt do ta shkarkojë Dimal Bashën nga posti i kryetarit të Kuvendit të Kosovës.
Zeqaj nuk ka dhënë më shumë detaje, por ka thënë se kryetari i Vetëvendosjes, Albin Kurti, do ta “djegë” Bashën, ashtu siç ka vepruar edhe me njerëz më të fuqishëm brenda këtij subjekti.
“Është për turp si presidentja çohet me e la një veprim të tillë që e ka bërë ky zotëri, i cili sot, për shkak të politikës së keqe të pozitës dhe opozitës në Kosovë, e kemi në krye të Kuvendit. Nuk janë faj vetëm Albin Kurti dhe Vetëvendosja, por edhe PDK-ja e Memli Krasniqit, që e kanë votuar. Tani, për mua është e vonë, megjithatë kam informacione se Basha do të shkarkohet së shpejti. Ky do të ‘djeget’, sepse Albin Kurti ka djegur edhe njerëz më të fuqishëm brenda Vetëvendosjes që i ka pasur, dhe këtë nuk e bën fare hesap për interesat e tij,” ka thënë Zeqaj në emisionin “Këndi i Debatit” në Tëvë1.
