Arbër Zeneli ka asistuar sërish për Reimsin në fitoren kundër Angers me rezultat 1:0. Ndeshja i ka takuar xhiros së 28-të të elitës së futbollit francez.
Reims golin e fitores e shënoi në minutën e 24-t përmes Alex Flips, derisa asistues ishte ylli kosovar. Për Zenelin ishte asistimi i tretë në tri ndeshjet e fundit në elitën e futbollit francez. Ai u kthye nga një lëndim që e mbajti gjatë jashtë fushës.
Reimsi renditet në pozitën e 12-të me 35 pikë. Angers është në pozitën e 14-të me 29 pikë.
Valon Berisha qëndroi ne stol te Reimsi. Edhe ai po kthehet nga një lëndim. Zeneli luajti deri në minutën e 61-të.
