Ai në “Info Nata” në Tëvë 1 thotë se ngecja e këtij procesi shkon në dëm të Kosovës.
“Më shumë, them të drejtën ky është mendim i imi personal, e shoh që Lajçaku nuk ka pasur shumë sukses në kuptimin e ecurisë së dialogut. Ndoshta nuk është faji i tij komplet. Për ne është e dëmshme nëse ai paraqitet si jo i suksesshëm para atyre që ka përgjegjësi të raportojë por kush pëson më së shumti? Kosova. Por nëse qeveria aktuale tenton që të luajë blofin një politikë ndryshe në raport me qytetarët e vendit dhe një ndryshe në dialog, kjo mendoj që për ta është e papranueshme dhe e dëmshme për vetë proceset që kalojmë”, tha ai.
Madje, Zemaj thotë se si parti opozitare vazhdimisht insistojnë që dialogu mes dy vendeve të përfundojë me njohje reciproke.
Sipas tij, Qeveria duhet që të “pajiset me armën institucionale” dhe të marrë mbështetjen e Kuvendit e partive opozitare në mënyrë që të mos kalojë dialogu në nivel teknik.
“Insistimi jonë i vazhdueshëm është që dialogu të përfundojë me njohje reciproke dhe temat që janë arritur të që mos të kalojmë dyfishin siç po ndodh ose si po tentohet të ndodhë, kjo është dhe brenga jonë aktuale. Mendoj që Qeveria të pajiset me armën e fortë institucionale në mbështetje të Kuvendit, të gjitha partive politike që të shkojmë në njohje dhe mos të lëshohemi në nivel tenik ku ka qenë dialogu fillestar dhe e dimë si ka rrjedhur janë vitet e humbura nëse rrëshqasin dhe devijojnë nga ky institucion”, deklaroi ai./teve1.info/
