Zemaj në konferencë për medie tha se Qeveria Kurti ka dështuar në sektorin e shëndetësisë, ashtu si në shumë sektorë të tjerë sensitiv.
Duke folur për sektorin e shëndetësisë ai radhiti disa prej çështjeve të cilat ai i cilësoi si problematike dhe të keqmenaxhuara nga Qeveria.
“Një ministër e largoj në mes të pandemisë që të fitoj pushtet ministri i parë i dështuar i cili u largua nga kjo pozitë për të kandiduar për kryetar të Prishtinës. në kohën kur ka pasur shifra alarmante të vdekjeve me covid. Pastaj ministri tjetër, shumicën e kohës e kaloi në konferenca të ndryshme, sikur të mos ishte fare ministër i shëndetësisë. Dorëheqja e edhe një ministri dhe caktimi i një ekipi ekzekutiv për menaxhim të shëndetësisë tregon se kryeministri dhe kjo Qeveri e kanë pranuar dështimin në këtë sektor”, tha ai.
Teksa tha se Qeveria Kurti ska plan dhe duket që s’ka as aftësi të menxhojë me shëndetësi.
Sipas tij, vetëm 5 për qind të investimeve kapitale janë realizuar gjatë këtij viti në shëndetësi.
Ish-ministri gjithashtu theksoi edhe problemin me të cilin po përballet Kosova, atë të ikjes së punëtorëve shëndetësore.
“Kosova po përballet me ikjen e profesionistëve shëndetësorë, vetëm për 9 muaj janë larguar 180 mjekë që i bie mesatarisht 20 mjek në muaj. Poashtu është rritur numri i mjekëve që kanë lëshuar sektorin privat për të kaluar në atë publik për të njëjtën arsye”, tha ai.
Kurse sa i përket furnizimit me barna, Zemaj tha se Qeveria e ka për detyrë 100 për qind, të mbulojë listën esenciale të barnave.
“Shembull i keq është furnizimi me barna dhe mjete shpenzuese, është alarm në vete. Kjo i detyron qytetarët që barnat ti blejnë vet. Qeveria e ka për obligim 100 për qind të mbulojë listën esenciale të barnave. Qeveria ka dështuar edhe në sektorin e shëndetësisë ashtu siç po dështon pothuajse edhe në gjithë sektorët e rëndësishëm ose sensitiv që kanë nevojë qytetarët e Republikës së Kosovës”, shtoi ai./teve1.info./
