Për Zelenskyn kjo do të jetë vizita e parë jashtë vendit që nga pushtimi rus në shkurt. Atij do t’i jepet gjithashtu mundësia për t’iu drejtuar Kongresit.
Vizita e liderit ukrainas në Uashington, që pritet të zgjasë vetëm disa orë.
Zelensky në një postim në Tëitter tha se vizita ishte “për të forcuar qëndrueshmërinë dhe aftësitë mbrojtëse të Ukrainës dhe për të diskutuar bashkëpunimin midis vendit të tij dhe SHBA-së me Biden”.
Zelensky rregullisht pret liderë të huaj në Kiev dhe ka vizituar trupat përreth Ukrainës. Ai bëri një vizitë të paparalajmëruar në qytetin e Bakhmut të martën.
Zyra e Presidentit Zelensky e pranoi zyrtarisht ftesën për në Uashington të premten e kaluar, përpara se vizita të konfirmohej përfundimisht të dielën.
Në një deklaratë të martën mbrëma, sekretarja e shtypit e Shtëpisë së Bardhë, Karine Jean-Pierre tha se Biden mezi pret vizitën dhe se fjalimi në Kongres do të tregojë “mbështetje të fortë, dypartiake për Ukrainën”.
“Vizita do të nënvizojë angazhimin e palëkundur të Shteteve të Bashkuara për të mbështetur Ukrainën për aq kohë sa duhet, duke përfshirë sigurimin e ndihmës ekonomike, humanitare dhe ushtarake”, tha ajo, shkruan AP.
Zelenskyy do të takohet me Biden në Shtëpinë e Bardhë pasdite dhe më pas të bashkohej me Biden për një konferencë shtypi në Dhomën Lindore./teve1.info/
